القصة ما بلشت بمكتب, ولا طاقم عمل, ولا بـ 3000 متدرب ومتدربة..
بلشت بشاب عنده شغف، فكرة ورؤية.

عهد زعبي، 31 سنة من سكان مدينة الناصرة. قرر يحوّل شغفه بالصحة والتغذية لأكثر من مجرد شغل،
حوّله لرسالة حياة.

درس وتعلّم بعدة أماكن، ولساته لليوم يبحث، بتعلّم وبتعمّق بكل تفصيل إله علاقة بصحتنا وجسمنا
والنزول بالوزن, لأنه بالنسبة إله بالعلم ما في نقطة وصول! دائماً في إشي جديد نتعلّمه.

البداية كانت من الصفر، أول زيادة بيتية, أول متدرب، أول نتيجة، وأول قصة نجاح.
ومن هون، بلشت الرحلة تكبر..

من الزيارات البيتية، لمكتب صغير، لمكتب اكبر مع طاقم ممرضات مختصات بالتغذية والنزول بالوزن،
ولمسيرة ساعد من خلالها فوق الـ 3000 شخص على مدار 7 سنين يغيّروا أجسامهن، يحسّنوا صحتهن،
ينزلوا بالوزن ويستعيدوا طاقتهن وثقتهن بحالهن. بس بالنسبة لعهد، الرقم عمره ما كان هو الإنجاز.
الإنجاز الحقيقي هو الإنسان اللي دخل وهو فاقد الأمل، وطلع مؤمن إنه قادر يتغيّر.
ورغم كل اللي تحقق، بالنسبة إله هاي لساتها البداية، لأنه بآمن برسالة واحدة رافقته من أول الطريق
الصحة مش خيار… الصحة قرار.

وكل قرار ببدأ بخطوة، وأفضل وقت للخطوة الأولى هو اليوم.
لأنه بالنهاية صحتكوا وجسمكوا هني أغلى ما بتملكوا بهاي الحياة،
وإذا ضاعوا… كل إشي ثاني بفقد قيمته.